बेळगाव : सीमाप्रश्नी लोकसभेत आवाज...
बेळगाव—belgavkar—belgaum : महाराष्ट्र-कर्नाटक सीमाप्रश्नी कर्नाटकाला सूचना कराव्यात, यासाठी मी लोकसभेत आवाज उठवेन, अशी ग्वाही सांगलीचे खासदार विशाल पाटील यांनी म. ए. समितीला दिले.
म. ए. समिती नेत्यांनी खासदार पाटील यांना पत्र पाठवले आहे. सीमाप्रश्नी केंद्रीय गृहमंत्री अमित शहा यांनी महाराष्ट्र आणि कर्नाटक मुख्यमंत्री आणि गृहमंत्र्यांची बैठक घेतली. त्यावेळी दोन्ही राज्यांतील मंत्र्यांची समिती स्थापन करून सीमाभागात कुणावरही अन्याय होणार नाही, याची खबरदारी घेण्याच्या सूचना केल्या होत्या. पण, मंत्र्यांच्या या समितीची अद्याप बैठक झाली नाही.
या बैठकीसाठी सभागृहात आवाज उठवावा. आसाम, मेघालयप्रमाणे या प्रश्नावर तोडगा काढावा. महाराष्ट्र-कर्नाटक सीमाप्रश्न सर्वोच्च न्यायालयात असतानाही बेकायदा विधानसौध उभारण्यात आला आहे. बेळगावचे नामांतर करण्यात आले आहे. या विषयांवर लोकसभेत आवाज उठवावा, अशी विनंती पत्रात करण्यात आली आहे.
पत्राला उत्तर देताना खासदार पाटील यांनी या प्रश्नांवर मी लोकसभेत आवाज उठवू, अशी ग्वाही समिती नेत्यांना दिली आहे. समिती नेते प्रकाश मरगाळे यांनी या निवेदनाच्या प्रती खासदार सुप्रिया सुळे, अरविंद सावंत, उदयनराजे भोसले, संजय राऊत आणि नीलेश लंके यांनाही पाठविल्या आहेत.
#Belgaum #MaharashtraKarnataka #LokSabha #VishalPatil #HomeMinister #AmitShah #CommitteeMeeting #BorderIssue #SupremeCourt #PoliticalVoices #JusticeForBelgaum #StateDispute #RegionalPolitics #BelgaumRename #LegislativeAction #PublicAwareness #PoliticalEngagement #CommunityVoices #UnityInDiversity #BorderConflict
